VOV4.K’ho- Mho ngai 14/7, tàm Hìu lơh broă Quốc hội, ồng Vương Đình Huệ- Chủ tịch Quốc hội neh wă Đại sứ Philippines ồng Meynardo Los Banos Montealegre tus còp să.

Đơs tàm dơ̆ wă, ồng Vương Đình Huệ- Chủ tịch Quốc hội sồr Đại sứ Philippines tàm tơngai lơh broă bơh he dê, pơgồp bal hòi jà lam lơh ală broă lơh tờm lơh broă bal đah Quốc hội Việt Nam mờ Thượng viện bal mờ Hạ viện Philippines; wèt tus sền sơwì kĭ jơnau ring bal lơh broă bal đah 2 Quốc hội lơh bơnàng jă ai ală broă lơh lơh broă bal, nàng di pal mờ bơta gĭt gơ̆p lơh broă bal jŏ jòng đah 2 lơgar mờ bơta gĭt gơ̆p đah 2 Quốc hội dê.

Gơrềng tus broă sền gàr bơta lơngap lơngai tàm dà lềng tiah đah mat tơngai lik mờ ờdo ờdă gùng dà lềng, Chủ tịch Quốc hội ồng Vương Đình Huệ ring bal mờ jơnau đơs bơh Đại sứ dê là pal sơlơ tơnguh tai tìp bal cribơyai, lùp lăp, kờñ bal nùs nhơm bơh gơ̆p dê bè dà lềng tiah đah mat tơngai lik jat ală kơrnoat pal jat neh ring bal bơh ASEAN dê, lơh jat tơl làm mờ geh cồng nha DOC mờ pơgồp bal niam tàm dơ̆ tìp mat cribơyai COC jat tàm bơnàng jă sền dờng màng adat boh lam dunia, ngan là Công ước Liên hợp quốc bè Adat dà lềng nam 1982.

Cau mblàng K’Hạnh