VOV4.K’ho-Tàm dơ̆ lòt lơh broă tàm ală càr tiah đah tô mat tơngai lik, ngai 05/5, ồng Vương Đình Huệ, Chủ tịch Quốc hội, Chủ tịch Mpồl duh broă tĕ khà dà lơgar bal mờ mpồl lơh broă bơh Quốc hội dê neh lòt sền broă lơh rcang lài ai dơ̆ tĕ khà Kuang bàng Quốc hội khoá 15, Kuang bàng Hội đồng Nhân dân ală kấp tơngai lơh broă bơh nam 2021-2026 tàm tiah đùh sră sồ 4, thôn Thèn Pả, xã Lũng Cú, kơnhoàl Đồng Văn mờ lơh broă mờ Kuang đơng lam bồ càr, Ủy ban tĕ khà càr Hà Giang; còp, pơn dờm pơn diang Kuang bàng pôs đồng ling sền gàr tiah nhàr lơgar Lũng Cú.

Đơs tàm dơ̆ lơh broă, ồng Vương Đình Huệ, Chủ tịch Quốc hội, tơngkah càr Hà Giang, tàm tŭ rcang broă lơh tĕ khà, mơya kung pal sền gròi bơtàu tơnguh lơh sa- mpồl bơtiàn, gàr niam broă sền gàr dà lơgar, sền gàr bơta lơngap lơngai, gàr tơl niam rài kis mpồl bơtiàn. Tàm broă lơh bơyai lơh nàng cau tơlik mat tĕ khà in tìp mat mờ cau tĕ khà, ồng Vương Đình Huệ Chủ tịch Quốc hội tơngkah, ală cau tơlik mat tĕ khà Kuang bàng Quốc hội tàm Dà lơgar mờ rê tơlik mat tĕ khà tàm càr, bơh 1 tus 2 ngai tus, xét nghiệm lài mờ tŭ tìp mat mờ cau tĕ khà, gàr niam bơta ờdo ờdă tàm broă lơh rcang sơndră kòp.

Cau mblàng K’ Hạnh