VOV4.K’ho- Drim ngai 23/09, tàm Hìu Quốc hội dê, ồng Vương Đình Huệ- Chủ tịch Quốc hội neh đơng lam dơ̆ lơh broă bơh Kuang đơng lam bồ Quốc hội dê mờ Duh broă sùm Ủy ban Lơh sa, iăt jơnau yal bàr pe tơngume bè Rơndăp ù tiah ngui ù dà lơgar tơngai bơh nam 2021- 2030, bơta wèt sền tus nam 2050, Broă rơndăp lơh ngui ù 5 nam, tơngai bơh nam 2021- 2030 kấp dà lơgar.

Đơs tàm dơ̆ lơh broă, ồng Vương Đình Huệ- Chủ tịch Quốc hội đơs sùm, ù tiah là phan bơna geh is kuơmàng bơh dà lơgar dê, den tàng bè hơ̆, broă ătbồ mờ ngui ù ờ gơtùi mìng kờp ai tŭ do in lơm ờ mờ gam pal kờp bal ai jơh bal rài tơnơ̆ do in; mờ ù tiah kung pal geh tam pà dipal mờ bơta wèt sền jŏ tơngai ờ mìng 5 nam halà 10 nam mờ gam pal jŏ rlau tai tàm broă lơh bơtàu tơnguh bơh dà lơgar dê. Jăt broă lơh, Rơndăp ù tiah ngui ù dà lơgar tơngai bơh nam 2021- 2030, bơta wèt sền tus nam 2050 mờ Broă rơndăp lơh ngui ù 5 nam, tơngai bơh nam 2021- 2025 geh sền tàm Quốc hội tàm pơrjum dơ̆ 2, Quốc hội khoă XV. Digơlan, tơngume do geh Ủy ban Thường vụ Quốc hội ai jơnau đơs tàm pơrjum dơ̆ 4 geh lơh tàm nhai 10 nam do.

Cau mblàng Lơ Mu K’Yến