VOV.K’ho- Mho ngai 11/8, tàm Hìu lơh broă Quốc hội, Ủy ban Thường vụ Quốc hội neh bơyai lơh dơ̆ tìp mat kuang bàng Quốc hội lơh broă sùm tàm dà lơgar khóa 14 ờ tơlik mat tĕ khà wơl mờ kuang bàng gơ wèt gơnoar atbồ bơh Ủy ban Thường vụ Quốc hội dê neh ơm rlô lơh broă.

Chủ tịch Quốc hội ồng Vương Đình Huệ đơng lam dơ̆ tìp mat. Đơs đơng lam tàm dơ̆ tìp mat, Chủ tịch Quốc hội ồng Vương Đình Huệ đơs nền, Quốc hội sùm sền dờng màng, iat, kờñ bơsram mờng chài, rơcang cih dờp jơnau đơs tă pơgồp bơh ală kuang bàng Quốc hội lơh broă sùm tàm dà lơgar khóa 14 ờ tơlik mat tĕ khà wơl mờ kuang bàng gơ wèt gơnoar atbồ bơh Ủy ban Thường vụ Quốc hội dê neh jơh sơnam rê rlô lơh broă mờ kung geh rơcang lài dan jơnau đơs bè ală broă gơ wèt kơnòl bơh Quốc hội dê, ngan là ală rơndap broă tàm broă lam lơh nàng lơh jat Nghị quyết Đảng gùt lơgar dơ̆ 13 mờ ală rơndap lơh adat boh lam, ală broă lơh ngan ngồn gơ rềng tus kơnòl broă bơh Quốc hội dê.

Cau mblàng K’Duẩn