VOV4.K’ho- Tàm dơ̆ tìp mat mờ Kuang atbồ Cơldŭ lơh broă Liên hợp quốc tàm lơgar Áo mò Ghada Fathi Waly, Chủ tịch Quốc hội ồng Vương Đình Huệ đơs nền, Liên hợp quốc sùm geh gơnoar broă kuơmàng ngan tàm broă lơh mờ lơgar ndai mờ lòt bal mờ Việt Nam tàm broă lơh bơt bơtàu mờ bơtàu tơnguh dà lơgar, lơh gơlik bơta ƀuơn ai bơtàu tơnguh in, tơnguh gơnoar broă, rùp hin bơh lơgar Việt Nam dê tàm muh mat dunia.

Chủ tịch Quốc hội ồng Vương Đình Huệ đơs niam Liên hợp quốc neh dong kờl Việt Nam tàm broă rơcang sơndră kòp Covid-19; pơn jat tai dong kờl Việt Nam bơtàu tơnguh lơh sa tơnơ̆ kòp dờng, gơ jat bal mờ bơsong ală gơ rềng ờ niam bơh kòp Covid-19 dê gơ wèt tus mờ broă lơh sa làng bol dê. Chủ tịch Quốc hội ồng Vương Đình Huệ kơp kờñ, Liên hợp quốc pơn jat tai tơnguh gơnoar broă tàm broă sền gàr ring lơngai mờ lơngap lơngai dunia, chồl pràn sền dờng màng adat boh lam dunia, dong kờl ală lơgar, tàm hơ̆ geh Việt Nam lam lơh Broă lơh cribơyai tài bơta bơtàu tơnguh kơ̆ kơljap.

Cau mblàng K’Duẩn