VOV4.K’ho- Mho ngai 4/8, tàm Hà Nội, ồng Vương Đình Huệ- Chủ tịch Quốc hội neh đơng lam dơ̆ tìp mat Kuang bàng lơh sơnơm ală hìu sơnơm dà lơgar tus dong kờl ai ƀòn dờng Hồ Chí Minh mờ ală càr tiah đah Jum dà lơgar in sơndră kòp Covid-19.

Chủ tịch Quốc hội tìp mat Kuang bàng lơh sơnơm tus dong kờl ai ală càr tiah đah Jum dà lơgar in sơndră kòp Covid-19

Ala mat Kuang đơng lam bồ Đảng mờ Dà lơgar đơs tàm dơ̆ tìp mat, ồng Vương Đình Huệ tơngŏ bơta ngoh rơngăc tŭ geh tìp mat ală y, bác sỹ ala mat ai mờr 3 rơbô nă cau lơh sơnơm rcang lòt gùng tus dong kờl mpồl rcang sơndră kòp Covid-19 ai ƀòn dờng Hồ Chí Minh mờ ală càr tiah đah Jum dà lơgar in. Ồng Vương Đình Huệ gờm chờ jơh gùt mpồl Kuang bàng, y, bác sỹ, cau lơh sơnơm pơn jat tai lơh gơ rề uă nùs nhơm cau lơh sơnơm lơbơn niam bè cau mè, lơh jat bơta pràn jak, bơta jak chài ờs mờng nàng sền gròi, sơm kòp niam ngan rlau jơh ai cau kòp in, pơgồp bơnah bal mờ ală càr, ƀòn dờng tiah đah Jum dà lơgar kơryan kòp mờ tơn jơh kòp gờñ lơh sir gơs jai pha kơnòl broă dê, nàng rê wơl mờ hìu bơnhă; mơkung pin dờn mờ bơta mut lơh bal bơh jơh ală anih lơh broă chính trị dê, ală càr tiah đah Jum dà lơgar geh gờñ rê wơl mờ bơta bè ờs.

Cau mblàng K’Hạnh