VOV4.K’ho- Mho mang ngai 04/11, tàm Hìu Quốc hội, di Ngai Kơrnoăt boh lam Việt Nam (09/11/2021), Chủ tịch Quốc hội ồng Vương Đình Huệ tìp măt kuang bàng Quốc hội lơh broă geh kơnòl broă sùm, kuang bàng, công chức gah ală anih lơh broă kơrnoăt boh lam, sền gàr adat boh lam, kơlôi sơnơng lơh kơrnoăt boh lam tàm Quốc hội. Đơs tàm dơ̆ tìp măt, Chủ tịch Quốc hội ồng Vương Đình Huệ đơs sùm, Ngai Kơrnoăt boh lam Việt Nam là ngai bơh jơh tơl nă làng bol dê, ngai sền dờng màng mờ sền gàr kơrnoăt boh lam.

Gơwèt mờ cau lơh broă lơh kơrnoăt boh lam tàm anih lơh broă kơrnoăt boh lam den sơlơ geh bơta kuơ dờng màng rlau tai. Chủ tịch Quốc hội kơ̆p kờñ, ală cau lơh broă tàm broă lơh lơh kơrnoăt boh lam pal iăt kơno anih lơh broă jun yal rơcăng cih adat, iăt kơno ală cau jak chài ờs mờng gah broă lơh, iăt kơno bal mờ gơ̆p nàng broă lơh lơh kơrnoăt boh lam lơh geh bơta song dơ pă loh làng, dùl ròt bal, geh bơta kơ̆ kơl jăp, gơtùi ngui jŏ jòng; kuơmàng ờ lời gơlik geh jơnau ơn pơyua bơta kuơ mpồl bal, bơta kuơ is ờ niam tàm ală tŭ lơh kơrnoăt boh lam, lơh geh jơnau sồr bơceh pa, bơtàu tơnguh dà lơgar kơ̆ kơl jăp mờ jơnau sồr mŭt gơrờm bal mờ dunia. Do là jơnau sồr uă ngan mờ làng bol bal mờ cau tĕ khà sồr gơwèt mờ ală cau lơh adat boh lam.

Cau mblàng Lơ Mu K’Yến