VOV4.K’ho- Mho òr 22/1, tàm Hìu Quốc hội dê, mò Nguyễn Thị Kim Ngân, Chủ tịch Quốc hội tìp mat nting săp sa tềp ală kuang bàng lài do là kuang đơng lam bồ Quốc hội, Kuang bàng Quốc hội sùm lơh kơnòl broă tàm Dà lơgar, kuang bàng gơ wèt bơta atbồ bơh Ủy ban Thường vụ Quốc hội dê mờ ală kuang bàng, công chức, viên chức bơh Văn phòng Quốc hội dê neh rê rlô lơh broă di dơ\ bồ sơnam pa Kỷ Hợi 2019.

Tàm dơ\ tìp mat, mò Nguyễn Thị Kim Ngân neh yal ală cồng nha neh lơh geh bơh dà lơgar dê đơs bal mờ bơh Quốc hội dê đơs is tàm nam 2018 pa do. Mu\t tàm nam pa 2019- nam bơtàu tơnguh mhar nàng lơh gơs broă rơndăp lơh 5 nam bơh nam 2016- 2020, nam lam lơh rơcang Pơrjum dờng Đảng bộ ală kấp wèt tus Pơrjum dờng Đảng gùt lơgar dơ\ 13, Quốc hội, ală anih lơh broă Quốc hội dê mờ mpồl kuang bàng dong kờl, dong broă pal tam klac bal, lơh ngan pơđơl pràn uă rlau tai, sơrlèt gan kal ke, pơn jat tai tam gơl pa, tơnguh uă bơta niam, cồng nha lơh broă.

Cau mblàng Lơ Mu K’Yến