VOV4.K’ho- Lơh jăt broă lơh tìp măt mờ cau tĕ khà lài mờ tŭ tĕ khà jăt Adat Tĕ khà Kuang bàng Quốc hội mờ kuang bàng Hội đồng Nhân dân dê, ngai 9/5, ồng Vương Đình Huệ Chủ tịch Quốc hội neh bơyai lơh tìp măt mờ cau tĕ khà tàm kơnhoàl Vĩnh Bảo mờ An Lão, ƀòn dờng Hải Phòng dê nàng yal broă lơh lơh broă bơh he dê tềng đăp cau tĕ khà. Tàm dơ̆ tìp măt mờ cau tĕ khà, Chủ tịch Quốc hội đơs là, lơh adat boh lam pal iăt kơno jơnau đơs bơh làng bol dê, gùng dà broă lơh kơrnoat boh lam dipal mờ nùs nhơm làng bol dê.

Dilah nggui tàm cơldŭ geh măy lơh mrềt trồ tiah nàng lơh adat mờ kơrnoat den là ờ di mờ bơta geh ngan, ờ iăt kơno geh làng bol kờñ bơta lơi, iăt kơno bơta geh ngan rài kis bè lơi. Bè broă bơ̆t bơtàu ƀòn lơgar pa, Chủ tịch Quốc hội pà gĭt, tàm tơngai tus do, geh ai broă jàu tơngai bơh nam 2021- 2025 in. Kờp dŭ pơrjum dơ̆ 2, Quốc hội khoá XV geh pơrjum cribơyai bè broă do, kuơmàng là bè broă jàu, ai ngui tơngume bal tơnơ̆ hơ̆ tam pà kấp ai ală tiah in lơh.

Cau mblàng Lơ Mu K’Yến