VOV4.K’ho- Mho ngai 3/4, jat jiơ tiah do dê hơ\ là mang dùl ngai bal jat jiơ lơgar Việt Nam dê, tàm càr lơgar Brussels, lơgar Bì, mò Nguyễn Thị Kim Ngân, Chủ tịch Quốc hội Việt Nam neh tìp mat mờ Chủ tịch Ủy ban Kă bro dunia bơh Thượng viện dunia Nghị viện châu Âu dê là ồng Bernd Lange.

Mò Nguyễn Thị Kim Ngân đơs loh, Việt Nam tơrgùm lơh jat ală jơnau hơ pơrgon tàm Hiệp định Kă bro khat gơboh đah Việt Nam mờ Mpồl tam klac châu Âu (EU) bal mờ nùs nhơm bơ\t bơtàu bal mờ ală broă lơh loh làng. Broă lơh adat boh lam, kơrnoat boh lam bơh Quốc hội dê neh lơh gơs adat boh lam ală tơngume mờ Việt Nam hơ pơrgon.

Chủ tịch Quốc hội Vịêt Nam đơs sùm ală broă mờ Nghị viện châu Âu neh sồr, đơs tàm ală dơ\ lòt lơh broă tàm lơgar Việt Nam lài do neh geh Quốc hội Việt Nam sồr ală anih lơh broă geh gơnoar yal tơngi\t jơnau mờ bơsong.

Cribơyai bàr pe broă sền gròi bal, Chủ tịch Ủy ban Kă bro dunia bơh Nghị viện châu Âu dê đơs là, bè bơta bal EU mờ lơgar Việt Nam gam lòt di gùng. Bàr pe broă gam geh jơnau đơs krơi is den mpồl tìp mat cribơyai broă đah 2 gah là kuơmàng ngan mờ kờ` geh pơn jat tai lơh niam.

Cau mblàng Lơ Mu K’Yến