VOV4.K’ho- Drim òr, 19-2, tàm Hìu Quốc hội neh geh lơh dơ\ tìp mat mờ pà phan bơh Chủ tịch Quốc hội mò Nguyễn Thị Kim Ngân ai kông ty Cổ phần Đầu tư Văn Phú – Invest in tài bơh ală tă pơgồp, dong kờl bơh Kông ty dê ai mpồl bơtìan in.

Tàm dơ\ pà phan, Kông ty Cổ phần Đầu tư Văn Phú - Invest neh jàu khà priă 7 tơmàn priă nàng dong kờl lơh hìu bơsram kâp một tiah kơh bơnơm tàm xã Đồng Sơn, kơnhoàl Hoành Bồ, càr Quảng Ninh; jàu pà 6 tơmàn priă ai Trung tâm Lơh broă Mpồl bơtìan [òn dờng Cần Thơ in; pà 10 tơmàn priă ai Mpồl dong kờl Cau kòp r[ah càr Bến Tre. Kờp jơh priă dong kờl bơh Kông ty Cổ phần Đầu tư Văn Phú – Invest dê ai ală tiah in gơguh tus 23 tơmàn priă.

 Đơs niam ngan bơta dong kờl bơh Kông ty dê gơ wèt mờ mpồl bơtìan, Chủ tịch Quốc hội mò Nguyễn Thị Kim Ngân chờ gờm mpồl lơh sa kă bro Việt Nam đơs bal mờ Kông ty Cổ phần Đầu tư Văn Phú – Invest đơs is pơn jat tai geh ală cồng nha niam tàm broă lơh sa kă bro.

Cau mblàng K’ Hạnh