VOV4.K’ho – Kung tàm mho òr (31/3), tàm hìu lơh broă UNESCO dê, di tơngkah 100 nam ngai crơng gơs Mpồl cau lơgar Việt Nam tàm lơgar Tây, Chủ tịch Quốc hội, mò Nguyễn Thị Kim Ngân tus tìp mat mpồl cau lơgar Việt Nam tàm lơgar Tây; tus bal dơ\ jàu Huân chương Độc lập khà 1 ai Mpồl cau lơgar Việt Nam tàm lơgar Tây in.

Đơs tàm dơ\ tìp mat, Chủ tịch Quốc hội đơs tờm, dà lơgar sùm cih dờp mờ đơs niam bơta jơh nùs, bơta jak chài, ală tă pơ gồp kuơ màng ai dà lơgar tờm in bơh ală rơnàng cau Việt Nam tàm lơgar Tây dê.

Đảng, Dà lơgar đơs niam broă lơh ngan at tê bal lơh gơs dùl rùp niam bè cau lơgar Việt Nam. Kung tàm ngai bal, Chủ tịch Quốc hội mò Nguyễn Thị Kim Ngân neh tìp mat Mpồl bơyai lơh mờ ala mat cau lơgar Việt Nam geh pơn rơ jak bơh “Cribơyai cau Việt Nam geh bơngă gơ rềng”.