VOV4.K’ho - Đơs tơn jơh pơrjum cri bơyai Lơh sa lơgar Việt Nam 2021, Chủ tịch Quốc hội ồng Vương Đình Huệ đơs tờm, jơnau yal di pal ngan, ring bal mờ geh đơs uă tàm Pơrjum cri bơyai là he pal tơnguh is, git ntào is bơh jơng să tờm he dê, tơnguh sùm bơta pràn atbồ dà lơgar kung bè bơta pràn atbồ mpồl lơh sa kă bro; lòt bal, lơh jăt bal, ờ mìng tam klăc tàm lơgar mờ gam tơnguh broă tam klăc, lơh broă bal mờ dunia, tàm tiah do.

Jăt Chủ tịch Quốc hội ồng Vương Đình Huệ đơs, nàng di tŭ bơsong ală kal ke, bơsong ală bơta gam ờ pràn, chồl pràn broă tơnguh wơl, tơnguh bơtàu lơh sa tàm tơngai tus, ală anih lơh broă bơh Quốc hội, Chính phủ pal lơh ngan, mhar kơlôi sơnơng, ai bơh ală jơnau đơs kuơ màng bơh ală cau jăk chài, cau khoa học, ală mpồl lơh broă tàm lơgar mờ dunia, ală mpồl lơh sa kă bro nàng ai geh ală broă lơh di tŭ mờ di pal.

Cau mblàng Ndong Brawl