VOV4.K’ho- Mờr 146 tơmàn đong là priă geh hòi jà tă pơgồp bơh Kes priă Mpồl bơtiàn Lơh broă niam Nùs nhơm niam Lơh broă tàm Dơ̆ lam lơh cih jơnau pơyua tàm điện thoại “Jơh gùt làng bol dong kờl rơcăng sơndră kòp Covid-19” mờ lam lơh broă lơh “Vaccine ai công nhân in” pa geh lam lơh mho ngai 03/6 tàm Tổng Liên đoàn Lơh broă Việt Nam.

Broă lơh nàng kờñ hòi jà, lam sồr ală rơnàng làng bol dong kờl, tă pơgồp priă jền ai broă lơh rơcăng sơndră kòp Covid-19 in, hòi jà tă pơgồp bơta pràn mpồn bơtiàn nàng làng bol, tàm hơ̆ geh công nhân, cau lơh broă gơtùi cĭt sơnơm vaccine gờñ ngan rlau jơh. Priă jền dong kờl bơh Dơ̆ hòi jà mờ Broă lơh do geh ngui ai broă lơh rơcăng sơndră kòp Covid-19 in, tàm hơ̆ ai lài blơi sơnơm vaccine ai ală cau chính sách, cau rƀah, công nhân, cau lơh broă in, pơgồp bơnah kơryan kòp bơtờp, sền gàr pràn kơldang să jan mờ màng kis làng bol dê.

Đơs tàm dơ̆ bơyai lơh, ồng Vương Đình Huệ- Chủ tịch Quốc hội sồr ală anih lơh broă geh gơrềng lơh jăt dùl bă loh làng, song dơ pă, ờ ndơ̆p mpồn ală bơnah priă jền dờp geh, ngui di broă, geh cồng nha jăt di jơnau cih bơh kơrnoat boh lam dê nàng geh kuơ ngan ngồn tàm broă lơh rơcăng sơndră kòp Covid-19.

Cau mblàng Lơ Mu K’Yến