VOV4.K’ho- Tàm ƀòn Niam chài- Nhơl chờ ală jơi bơtiàn kòn cau Việt Nam geh lơh dơ̆ mut lơh “Poh tam klac dờng jơh gùt jơi bơtiàn- Phan lời wơl niam chài Việt Nam” nam 2021. Chủ tịch Quốc hội ồng Vương Đình Huệ neh tus bal dơ̆ mut lơh.

                 Chủ tịch Quốc hội ồng Vương Đình Huệ geh jơnau đơs tàm dơ̆ pơrjum

Đơs tàm dơ̆ mut lơh, Chủ tịch Quốc hội ồng Vương Đình Huệ đơs nền, lơh jat jơnau bơto sồr bơh Bác Hồ dê “Tam klac, tam klac, tam klac dờng; cồng nha, cồng nha, cồng nha dờng”, tam klac dờng jơh gùt jơt bơtiàn sùm là gùng dà, broă lơh bơh Đảng he dê, là jơnau bơsram dờng ngan bơh kac màng Việt Nam dê, pơgồp bơnah lơh gơlik bơta pràn, bơta pơn jờng kuơmàng ai broă lơh tam gơl pa tơl làm in, cèng wơl ală cồng nha dờng màng, geh gơtha kah yau bơh dà lơgar he dê. Chủ tịch Quốc hội ồng Vương Đình Huệ kơp kờñ Mặt trận dà lơgar Việt Nam tơnguh rlau tai gơnoar broă gròi sền, cribơyai mpồl bơtiàn, jơh nùs tus bal bơt bơtàu Đảng, bơt bơtàu gơnoar atbồ; pơn jat tai lơh niam gơnoar broă đơng lam cribơyai, pơgồp bal đah ală mpồl lơh broă geh jơng, tơrgùm uă ngan rlau jơh bồ tơngoh jak, bơta jơh nùs bơh ală cau khoa học, cau jak chài geh uă mờng chài dê, iat jơnau đơs bơh tơl rơnàng làng bol dê bè gùng dà, broă lơh bơh Đảng, bơta dong kờl, adat boh lam bơh dà lơgar dê.

Cau mblàng K’Duẩn