VOV4.K’ho- Tơnơ\ 3 ngai lơh broă, mho òr 16/1 tàm Siem Riep, lơgar Campuchia neh geh lơh dơ\ tơn jơh Pơrjum Nghị viện châu Á- Thái Bình Dương dơ\ 27 (APPF-27) mờ tơngume “Sơlơ tơnguh bơta gi\t gơ\p đah ală nghị viện tài bơta ring lơngai, lơngăp lơngai mờ bơtàu tơnguh kơ\ kơl jăp”.

Chủ tịch Quốc hội tus bal dơ\ tơn jơh Pơrjum Nghị viện châu Á- Thái Bình Dương dơ\ 27 

Chủ tịch Quốc hội Việt Nam mò Nguyễn Thị Kim Ngân bal mờ Mpồl kuang bàng dờng màng Quốc hội Việt Nam tus bal dơ\ tơn jơh pơrjum. Pơrjum neh ring bal 14 Nghị quyết mờ Jơnau yal bal Siem Riep 2019 bơh Pơrjum ờs mờng pah nam dơ\ 27 Pơrjum Nghị viện châu Á- Thái Bình Dương.

Ală nghị quyết nàng kờ` bơsong ală broă tờm bơh tiah do dê, bè sền gàr bơta ring lơngai; tơrgùm ală bơta pràn wèt tus cau ùr mờ kơnòm ùr, tam dră sò tơm iơh bơsak mờ cau lơh tìs internet, tơrmù uă ală bơta gơrềng bơh tam gơl trồ tiah dê, sền dờng màng gơnoar kòn bơnus, tơnguh bơta kuơ niam chài krơi is mờ nhơl chờ mờ kuơmàng là pờ ơnàng lơh broă bal kă bro khat gơboh, bơcri priă tàm tiah do.

Tàm dơ\ pơrjum tơn jơh, mò Nguyễn Thị Kim Ngân, Chủ tịch Quốc hội Việt Nam bal mờ ală Kuang atbồ mpồl neh ki\ Jơnau yal bal mờ dùl nùs bal jàu gơnoar Kuang atbồ tàm pơdar APPF ai Quốc hội lơgar Australia in.

Cau mblàng Lơ Mu K’Yến