VOV4.K’ho- Tàm càr lơgar Vienna, lơgar Áo, Pơrjum ală Chủ tịch Quốc hội dunia dơ̆ 5 neh geh sơnđờm mut pơrjum yŭ rơyùm mờ bơta tus bal bơh rlau 100 Mpồl ală lơgar là lơgar tàm mpồl bal mờ ală lơgar gròi sền bơh IPU dê. Mpồl Kuang bàng kấp dờng màng Quốc hội Việt Nam bơh ồng Vương Đình Huệ- Chủ tịch Quốc hội Việt Nam lơh kuang atbồ Mpồl neh tus bal pơrjum do. Tơnơ̆ dơ̆ sơnđờm mut pơrjum neh geh bơyai lơh Dơ̆ pơrjum cribơyai bal bơh bơta đơng lam bơh Chủ tịch IPU mờ Tổng thư ký IPU dê.

Chủ tịch Quốc hội ồng Vương Đình Huệ mờ ală Kuang đơng lam bồ Quốc hội/ Nghị viện dunia neh cribơyai bè tơngume: “Nàng lơh geh bơta bơtàu tơnguh kơ̆ kơljap gơ sồr pal tơrgùm uă rlau tai tàm ală gah lơi, bơta chờ hờp, hờm ram ai làng bol in, sền gàr tiah ơm kis halà lài ngan là bơtàu tơnguh lơh sa”. Đơs tàm dơ̆ pơrjum, ồng Vương Đình Huệ tam pà bal nùs nhơm đơs là bơtàu tơnguh kơ̆ kơljap kờñ pal sền gròi tàm broă sền gròi pràn kơl dang să jan ai kòn bơnus in mờ sền gàr tiah ơm kis rlau là mờ mìng tơrgùm ai gơguh lơh sa mờ tơl ală bơta. Bơta do là di pal mờ jơnau kờñ bơtàu tơnguh kơ̆ kơljap tus nam 2030 bơh Liên hợp quốc dê, hơ̆ kung là bơta ring bal niam ngan bơh 3 jơnau kờñ lơh sa, mpồl bơtiàn mờ tiah ơm kis.

Cau mblàng K’Hạnh