VOV4.K’ho- Tơnơ\ tu\ tơn jơh dơ\ lòt còp mờ lơh broă mờ Nghị viện châu Âu, ngai do, 6/4, Chủ tịch Quốc hội mò Nguyễn Thị Kim Ngân mờ Mpồl kuang bàng dờng màng Quốc hội Việt Nam geh tus Doha, lơgar Qatar nàng tus bal Pơrjum dờng dơ\ 140 Mpồl tam klăc Nghị viện dunia (IPU-140) mờ ală pơrjum gơ rềng bal.

Broă tus bal Pơrjum dờng pơn jat tai pơgồp bơnah tơnguh gơnoar broă dunia lơgar Việt Nam dê bơh broă tơngo\ gơnoar broă rơcang lài, lơh ngan tàm broă bơsong ală bơta pơr lòng tàm tiah do mờ tàm gùt plai ù; lơh jat uă rlau tai gơnoar broă mờ bơngă pin dờn bơh Quốc hội lơgar he dê tàm IPU, ngan là broă drơng gơnoar broă Phó Chủ tịch IPU tơngai lơh broă bơh nam 2018-2019.

Tơngume bal bơh Pơrjum dờng dê là: “ Ală Nghị viện là bơnàng jă nàng sơlơ tơnguh bơto bơtê tài bơh ring lơngai, lơngap lơngai mờ adat boh lam gơnoar kòn bơnus”.

Tơngume đơs bơh Chủ tịch Quốc hội mò Nguyễn Thị Kim Ngân dê là tơrgùm tàm bàr pe tơngume kuơ màng bè: sền wơl broă dunia tàm tơngai pa do gơ rềng tus tơngume bal bơh Pơrjum dờng dê: gơnoar broă bơh IPU tàm gah broă do; jơnau yal bè Việt Nam, bơta mờng chài mờ broă lơh bơh lơgar Việt Nam dê gơ rềng tus broă bal tàm dơ\ pơrjum; dan bàr pe tơngume nàng kờ` sơlơ tơnguh gơnoar broă bơh Nghị viện, bơh IPU tàm gah broă gơ wèt tơngume bơh Pơrjum dờng dê.

Cau mblàng yal K’ Hạnh