VOV4.k’ho - Mho òr (24/11), tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân wă ală kuang bàng Ban Chấp hành Hội đồng ngap lơngai dunia mờ ală kuang bàng tus lơgar Việt Nam tus bal pơrjum Hội đồng ngap lơngai dunia. Chủ tịch Quốc hội đơs là, tềng đap bơta chính trị - ngap lơngai tàm dunia tu\ do kal ke, ờ gơtùi git lài, Việt Nam sùm ringbal broă lơh jat gùng dà broă lơh cribơyai mờ lơgar ndai lơh tờm is, ngap lơngai, lơh bơyô, tam klac bal mờ bơtàu tơnguh, lơh broă uă lơgar, uă bơta git gơp, rơcang lài mờ jơh nùs mut gơ rờm bal dunia.

Chủ tịch Quốc hội kơp kờ`, Hội đồng geh uă tă pơgồp rlau tai tàm broă tơrgùm ală mpồl làng bol lơh tờm gơguh jak, lơh broă tài ngap lơngai, tam klac bal, bơta kơ\ kơljap mờ bơtàu tơnguh bơh ală jơi bơtìan kòn cau dê. Chủ tịch Hội đồng Ngap lơngai dunia đơs bơta sền ngềr rài ring lơngai, lơh tờm is mờ Việt Nam neh lơh geh, Chủ tịch Hội đồng Ngap lơngai dunia kơp kờ`, geh tus wơl lơgar Việt Nam nàng bal mờ làng bol Việt Nam pơnjat tai lơh broă tài ring lơngai tàm gùt dunia.

                Cau cih mờ yal tơnggit K’Duẩn