VOV4.K’ho- Drim òr (08/10), jat jiơ tiah do dê, tàm Istanbul, lơgar Thổ Nhĩ Kỳ, mò Nguyễn Thị Kim Ngân, Chủ tịch Quốc hội Việt Nam neh wa\ rò ồng  Nail Olpak, Chủ tịch Hội đồng Lơh sa lơh broă mờ lơgar ndai lơgar Thổ Nhĩ Kỳ  (DEIK).

Tơlik bơta chờ hờp tềng đap bơta bơtàu tơnguh tàm bơta gi\t gơ\p lơh broă bal bơcri priă, kă bro đah Việt Nam mờ Thổ Nhĩ Kỳ tàm tơngai lài, mò Nguyễn Thị Kim Ngân, Chủ tịch Quốc hội Việt Nam đơs niam ngan broă Hội đồng Lơh sa lơh broă mờ lơgar ndai lơgar Thổ Nhĩ Kỳ dê tàm broă pơgồp bal bơyai lơh Cribơyai Lơh sa kă bro mờ Bơcri priă lơgar Thổ Nhĩ Kỳ mờ Việt Nam mờ ưn ngài ồng Nail Olpak neh jơh nùs pơgồp bơnah hòi jà gal ngan ală mpồl lơh sa kă bro lơgar Thổ Nhĩ Kỳ tus bal cribơyai.

Mờ bơta tus bal bơh ală bộ, gah sơnah lơh broă dà lơgar, mpồl lơh sa kă bro bơh 2 lơgar dê, cribơyai là tu\ nàng mpồl lơh sa kă bro bơh 2 lơgar dê lùp kờ` gi\t bè tu\ tơngai niam bơcri priă tàm tơl gah, pờ tơlik tu\ tơngai niam lơh broă bal pa, pơgồp bơnah lơh pràn bơta gi\t gơ\p lơh broă bal bơcri priă, kă bro đah 2 lơgar ngai sơlơ bơtàu tơnguh.

Cau mblàng Lơ Mu K’Yến