VOV4.K’ho – Mho òr (10/5), tàm hìu lơh broă Quốc hội, Chủ tịch Quốc hội, mò Nguyễn Thị Kim Ngân wă Phó Kuang atbồ lơgar, Chủ tịch Thượng viện lơgar Ấn Độ, ồng Venkaial Naidu, di dơ\ lòt còp ngan ngồn lơgar he mờ tus bal dơ\ pơrjum dờng yàng Phờk Liên hợp quốc Vesak nam 2019. Chủ tịch Quốc hội đơs tờm, broă lơh ờ tam gơl bơh lơgar Việt Nam dê sùm sền dờng màng mờ sơlơ tơnguh rlau tai git gơp lơh broă bal ờs mờng mờ lơgar lơh broă bal tơl làm mờ lơgar Ấn Độ lơh geh cồng nha tàm jơh ală gah lơh broă bal.

Chủ tịch Quốc hội wă Phó Kuang atbồ lơgar, Chủ tịch Thượng viện lơgar Ấn Độ

Chủ tịch Quốc hội mờ Phó Kuang atbồ lơgar, Chủ tịch Thượng viện lơgar Ấn Độ ndrờm đơs là, 2 gah kờ` pal pơn jat tai gàr ală dơ\ lòt còp, tìp mat dờng màng; sơlơ chồl pràn git gơp lơh broă bal 2 lơgar tàm jơh ală gah. 2 gah pơn jat tai sơlơ pơlam, cribơyai jơnau tơnggit, pơgồp bal, dong kờl bal mờ gơp tàm ală dơ\ cribơyai uă lơgar; bal mờ gơp tă pơgồp uă mờ geh cồng nha tàm ală cơ chế lơh broă bal ASEAN - Ấn Độ, lơh broă bal Đông Á (EAS), Cribơyai tiah ARF, lơh broă bal châu Á – châu Âu (ASEAM), lơh broă bal đah jum – đah jum, ală cơ chế lơh broă bal tàm Liên hợp quốc kung bè ală cơ chế lơh broă bal ală lơgar rềp bal mờ ală tiah tàm ală lơgar rềp bal.

Cau mblàng K’Duẩn