VOV4.K’ho- Gùl ngai òr 29/1, tàm Hìu Quốc hội dê, mò Nguyễn Thị Kim Ngân, Chủ tịch Quốc hội wa\ rò còp să ồng Mun Mo-il, Kuang atbồ Viện lùp khàu yal yă dờng ngan rlau jơh lơgar Hàn Quốc lòt còp mờ lơh broă tàm Việt Nam.

Chủ tịch Quốc hội wa\ rò Kuang atbồ Viện lùp khàu yal yă dờng ngan rlau jơh lơgar Hàn Quốc 

Chủ tịch Quốc hội Việt Nam pà gi\t, Việt Nam gam lơh ngan lơh jat ală kơnòl broă bơh broă lơh lơh niam wơl broă sền gàr kơrnoat boh lam mờ bơsong ală broă lơh tìs kơrnoat boh lam bal mờ jơnau kờ` bơ\t bơtàu dùl rài sền gàr kơrnoat boh lam mờ bơsong ală broă lơh tìs kơrnoat boh lam sàng goh pràn kơldang, làng bol lơh tờm, krà` cê, sền gàr bơta song, drơng làng bol, drơng broă Dà lơgar.

Mờ đơs sùm, Việt Nam sùm dùl nùs bal mờ lơh broă bal uă bơta mờ lơgar Hàn Quốc, tàm hơ\ geh gah broă lơh lùp khàu yal yă mờ sền gàr kơrnoat boh lam mờ bơsong ală broă lơh tìs kơrnoat boh lam, Chủ tịch Quốc hội đơs niam ngan cồng nha cribơyai broă đah Kuang atbồ Viện Lùp khàu yal yă dờng ngan rlau jơh lơgar Hàn Quốc mờ Kuang atbồ Viện Kiểm sát làng bol dờng ngan rlau jơh lơgar Việt Nam ồng Lê Minh Trí.

Broă ki\ Sră nggal cih kah lơh broă bal tơngai bơh nam 2019- 2022 đah Viện Kiểm sát Làng bol dờng ngan rlau jơh Việt Nam mờ Viện lùp khàu yal yă dờng ngan rlau jơh dà lơgar Hàn Quốc là cơng tàng nàng kuơmàng nàng 2 gah pơn jat tai lơh ală broă lơh lơh broă bal tàm tơngai tus; mơkung kơ\p kờ` sră cih kah geh 2 anih lơh broă do gờ` lơh jat.

Cau mblàng Lơ Mu K’Yến