VOV4.K’ho-Mho òr, 31/5, tàm hìu lơh broă Quốc hội, Chủ tịch Quốc hội mò Nguyễn Thị Kim Ngân neh wă Viện trưởng Viện Kiểm sát nhân dân dờng màng lơgar Cuba mò Yamila Pena Ojeda. Chủ tịch Quốc hội tơngkah wơl dơ\ lòt còp Việt Nam bơh Chủ tịch Fidel Castro dê di tu\ tơngai tam lơh cui rơcai ngan rlau jơh mờ jơnau đơs pơn rơ “ Tài Việt Nam, Cuba rcang pơdơng jơh mhàm bơh să jan he dê”.

Mờr 60 nam do, dunia neh tam gơl uă ngan mơya nùs nhơm bơh lơgar Việt Nam mờ Cuba kung ờ tu\ lơi tam gơl. 2 lơgar kung gam lơh bal mờ gơ\p, lòt bal mờ gơ\p tàm broă bơt bơtàu dà lơgar.

Priă lơh geh bơh kă bro phan 2 gah sùm gơguh, lơh geh 335 tơlak 800 rơbô dolar Mỹ nam 2018. Ală rơndap broă lơh bè lơh sa suơn sre, bơt bơtàu, sơnơm tơm ba pơn jat tai lơh geh cồng nha. Việt Nam neh bơto pơlam bơta chài tam kòi ai lơgar Cuba in, lơh geh tơnhào uă ngan. Tàm ală dơ\ pơrjum uă lơgar, pơrjum dunia, Việt Nam mờ Cuba sùm lơh broă bal niam ngan mờ sùm dong kờl bal mờ gơ\p.

Cau mblàng K’ Hạnh