Chủ tịch UBND càr Lâm Đồng mblàng jơnau tàm dơ\ pơrjum HĐND càr (TSXH)

VOV4.K’ho- Tàm pơrjum dơ\ 6, HĐND càr, ồng Đoàn Văn Việt, Chủ tịch UBND càr Lâm Đồng neh mblàng yal jơnau đơs bơh kuang bàng. Ồng đơs tờm, mờ bơta lơh ngan bơh ală kấp, ală gah sơnah lơh broă, mpồl lơh sa kă bro mờ làng bol, lơh sa- mpồl bơtìan nam 2018 bơh càr Lâm Đồng dê neh lơh geh ală cồng nha kuơ màng mờ tơl làm.

Ồng kung song dơpă sền dờp ală broă gam ờ pràn mờ mblàng yal nền cê ală broă mờ cau te\ khà sền gròi. Ngan ngồn, drà kă bro phan lơh sa suơn sre  gơtìp uă ngan kal ke; broă lơh gơs ròt tàm klăc bơh broă tam, broă lơh gơlik tus broă tăc phan lơh sa suơn sre gam ờ pràn, kòp tu tàm ờ uă chi tam gam gơlik geh kal ke. Ròng kơnrồ dà toh geh bơta gơ ơm wơl…

Ală broa\ lơh kă bro, hòi jà priă bơcri tăc phan bơna ờ hềt lơh geh jat jơnau neh geh ai. Bơta niam phan bơna drơng broă nhơl chờ bulah geh uă bơta tam gơl mơya ờ hềt uă. Bơcri priă bơt bơtàu kuơ màng bơh kes priă dà lơgar ờ hềt lơh di mờ jơnau sồr; tu\ tơngai ai càn priă ờ uă khà priă bơcri lơyài pơn drờm mờ broă rơndap lơh…

Chủ tịch UBND càr Lâm Đồng kung đơs loh kơnòl broă bơh UBND càr mờ ală gah lơh broă tàm ală broă gam jơng kah wơl; mơkung tơlik ală gùng dà broă lơh nàng mut lơh  tàm nam 2019.

Cau mblàng K’ Hạnh