VOV4.K’ho- Di tơngkah kir sơnrai 40 nam ngai crơng gơs Gah jat yàng Phờk Việt Nam (07/11), drim ngai 05/11, tàm Hà Nội, ala mat kuang đơng lam bồ Đảng, dà lơgar, Mặt trận dà lơgar Việt Nam ồng Đỗ Văn Chiến, Bí thư Đảng dà lơgar, Chủ tịch Ủy ban Mặt trận dà lơgar Việt Nam bal mờ mpồl kuang bàng neh lòt còp mờ nting bơr gờm chờ gah jat yàng Nhờk Việt Nam.

Ồng Đỗ Văn Chiến đơs nền, rlau 40 nam do, gah jat yàng Phờk Việt nam neh hòi jà cau jat yàng Phờk, cau duh broă yàng Phờk tàm gùt lơgar tơrgùm bơtàu tơnguh lơh sa- mpồl bơtiàn, gròi sền, sền gàr rài kis mpồl bơtiàn ai ală cau geh rài kis kal ke, cau ờ sô, cau gơtìp trồ tiah lơh aniai, kòp bơtờp tàm lơgar in. Jơh nùs ưn ngài nùs nhơm, bơta gròi sền bơh kuang đơng lam bồ Đảng dà lơgar, Mặt trận dà lơgar Việt Nam dê gơ wèt tus mờ ală broă lơh bơh gah jat yàng Phờk dê tàm tơngai lài, Hòa thượng Thích Thanh Nhiễu, Phó Chủ tịch Thường trực mpồl duh broă drơng gàr gah jat yàng Phờk Việt Nam đơs nền tàm tơngai tus, Gah jat yàng Phờk Việt Nam pơn jat tai mblàng yal, hòi jà ală cau duh broă yàng Phờk, cau jat yàng Phờk kis niam lơh àng sơdah jơnau yàng, lơh jat nền nòn ală gùng dà, broă lơh bơh Đảng, bơta dong kờl, adat boh lam bơh dà lơgar dê, jơh nùs tus bal broă lơh niam dong kờl mpồl bơtiàn kờñ dong cau rƀah, làng bol tàm ală tiah gam gơtìp gơ rềng tài bơh kòp Covid-19 in.

Cau mblàng K’Duẩn