VOV4.K’ho - Ồng Đỗ Văn Chiến, Bí thư Đảng Dà lơgar, Chủ tịch Ủy ban Mặt trận dà lơgar Việt Nam pa geh dơ̆ cri bơyai tàm điện thoại mờ ồng Uông Dương, Ủy viên Thường vụ Bộ Chính trị, Chủ tịch Chính hiệp gùt lơgar Lo.

Đơs niam nùs nhơm niam bơnĕ bơh lơgar Lo gơwèt mờ lơgar Việt Nam tàm tơngai do, Chủ tịch Ủy ban Mặt trận dà lơgar Việt Nam ồng Đỗ Văn Chiến đơs là, mờ broă lơh ngan bal bơh bàr đah, broă lơh git gơ̆p đah lơgar Việt Nam mờ lơgar Lo pơn jăt tai tơnguh bơtàu niam; kơ̆p kờñ pơn jăt tai chồl pràn broă lơh bal đah Mặt trận dà lơgar Việt Nam mờ Chính hiệp gùt lơgar Lo. Bè đah să tờm, Chủ tịch Chính hiệp lơgar Lo ồng Uông Dương tam pà bal bè ală kal ke mờ lơgar Việt Nam gam gơtìp mờ broă gơtìp wơl bơh kòp Covid-19 dê mờ đơs, lơgar Lo tŭ lơi kung rơcang tam pà bal broă lơh mờng chài tàm broă rơcang sơndră mờ kòp mờ geh dong kờl lơgar Việt Nam tàm broă dong kờl phan, dong kờl blơi sơnơm vaccine rơcang sơndră mờ kòp Covid-19 tàm bơta pràn lơgar Lo dê.

Cau mblàng Ndong Brawl