VOV4.K’ho -  Dờp jơnau jà bơh Thủ tướng  lơgar Campuchia ồng Samdech Techo Hun Sen, Thủ tướng Chính phủ ồng Nguyễn Xuân Phúc lam bồ mpồl kuang bàng Việt Nam tus bal dơ\ pơrjum Dờng màng Ủy hội dà dờng MeKong dunia dơ\ 3 bơh ngai 4-5/4 tàm Siêm Riệp, lơgar Campuchia. Dà dờng Mekong jòng pơgap di 4.800 kơi sồ  lòt gan 6 lơgar la Lo, Myanmar, Lào, Thái Lan, Campuchia mờ Việt Nam. Mờ lơgar Việt Nam, dà  dờng Mekong geh dùl bơnga\ kuơ màng ngan, ròng sền gàr  2 tiah lơh sa tờm ngan  la Tiah ring dà dờng Cửu Long mờ Tây Nguyên.

Bulah bè hơ\, đah jum dà dờng Mekong tu\ do gam pal kong mờ  ala\ bơta lòng  dờng ngan  geh gơ rềng tus bơta khà dà bè gơ mut dà hang mờ ala\ gơbàn aniai bơh tam gơl trồ tiah,  gơbàn aniai bơh ala\  broa\ lơh hìu ma\y  đèng mờ dà. Nam 1995,  4 lơgar (Campuchia, Lào, Thái Lan mờ Việt Nam) neh ky\ Hiệp định lơh  broa\ bal  Mekong 1995 mờ crơng gơs Ủy hội dà dờng Mekong dunia (MRC).

Hiệp định do la la  bơrnàng adat boh lam mìng dùl lơm tàm tiah do nàng atbồ mờ bơtàu tơngguh đah jum dà dờng Mekong. Broa\ lơgar Việt Nam tus bal pơrjum dờng màng MRC dơ\ 3 đơs tờm bơta sền gròi mờ  pơrgon bơh lơgar Việt Nam tàm nùs nhơm Hiệp định Mekong 1995, pơ gồp bal tơngguh tam klac,  lơh broa\ bal bơh ala\ lơgar tàm mpồl tam  bơta kuơ bal.

                        Cau cih mờ yal tơnggit K’ Brọp