Mpồl bơyai lơh neh jàu 100 bơnah phan pà ai kơnòm bơsram kuet kơlte bơh ală kơnhoàl Buôn Đôn, Krông Năng, Krông Buk, Cư Mgar mờ ƀòn drà dờng Buôn Hồ in. Tơl bơnah phan geh 2 tơlak đông priă mat mờ bañ, kèu, dà toh.. Kờp jơh ală phan pà rlau 80 tơlak đông.

Tàm Tây Nguyên, Kes priă jàu 400 bơnah phan pà kơnòm dềt kuet kơlte tàm ală càr Gia Lai, Kon Tum, Dăk Nông mờ Dăk Lăk. Mò Phạm Thị Chính, Phó Củ tịc Mpồl duh broă atbồ Kes priă tài kơnòm dềt kuet kơlte Việt Nam pà git, broă lơh “Dong kờl kơnòm dềt kuet kơlte lòt hìu bơsram” là 1 tàm 4 jơnau kờñ lơh broă bơh Kes priă dê nàng kờñ dong kơnòm dềt kuet kơlte geh gơ rờm bal mờ mpồl bơtiàn, sơrlèt gan bơta ờ wil tơl să jan dê nàng brồ guh tàm rài kis.