Anih duh broă Jơi bơtiàn sền swì Broă lơh jơnau kờñ dà lơgar tàm càr Kon Tum
Thứ tư, 13:42, 02/10/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV4.K’Ho- Ngai òr (01/10), Mpồl kwang bàng lơh broă bơh Anih duh broă Jơi bơtiàn geh ồng Y Vinh Tơr, Kwang geh jơng tàm mpồl rơcang mŭt Đảng Dà lơgar, Phó Củ ñiệm Anih duh broă Jơi bơtiàn lam bồ mpồl neh lơh jăt broă sền swì, jăt sền, nàng git broă lơh jăt Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah kơh bơnơm tàm càr Kon Tum.
Lơh jăt Broă lơh jơnau kờñ dà lơgar bơtàu tơnguh lơh sa mpồl bơtiàn tiah làng bol jơi bơtiàn ờ gal cau mờ tiah kơh bơnơm, bơh nam 2021 tus nhai 08 nam 2024, càr Kon Tum tă geh rơlao 1 rơbô 400 tơmàn đong, geh rơlao 60% broă rơndăp geh ai.
Pah nam càr gơmù geh bơh 03 tus 04% khà hìu rơƀah jơi bơtiàn ờ gal cau; geh 13 xã mờ 48 thôn lik klàs mờ bơta kal ke… Tàm dơ̆ lơh broă, ồng Y Vinh Tơr đơs niam broă rơcang lài bơh càr Kon Tum dê tàm broă bơyai lơh jăt ală broă lơh jơnau kờñ dà lơgar; geh broă đơng lam broă lơh di pal mờ bơta geh tàm mùl màl. Tỉñ ủy geh jơnau lơh nền is bè broă lơh jăt ală jơnau kờñ dà lơgar; geh khà bơcri priă uă rơlao pơn drờm mờ uă càr dê tàm broă lơh jăt broă lơh do.
Viết bình luận