Mho òr (10/09), Phó Kwang atbồ dờng Anih jơnau đơs Việt Nam ồng Vũ Hải Quang neh tus pơn dờm, tam pà jơnau moăt jrùng mờ jào khà priă 10 tơlăk đong ai hìu nhă Thiếu tá kwang àng Trần Quốc Hoàng, kwang bàng lơh broă tàm Hìu jàm càr Quảng ninh chơ̆t phi să tŭ gam lơh jăt kơnòl broă drơng mờ mìu càl rơbŭt dờng Yagi.

Mang ngai 07 nhai 09, Thiếu tá Trần Quốc Hoàng neh khin cha lòt tàm tŭ mìu càl rơbŭt dờng, pờ mpồng lik klàs ngòt rơngơ̆t hờ đah ngkời nàng tơlik dà tàm tiah hìu jàm, gàr niam ală cau lơh broă bal mờ ală cau jàm in, mơya tài dà tih uă ir mờ jơn tang den tàng tơnơ̆ mờ tŭ neh pờ mpồng, Thiếu tá Hoàng neh gơtìp dà cò pơrdô, chơ̆ phi să tàm tŭ gam lơh jăt kơnòl broă. Tàm trồ mang, tus bal drơng mờ mìu càl rơbŭt dờng bal mờ ală cau tàm mpồl ling bal, Thượng úy Nguyễn Đình Khiêm kung neh chơ̆t phi să sơl. Bal mờ broă còp să, tam pà jơnau moăt jrùng mờ pơn dờm pơn điang cau tàm hìu nhă 02 nă cau ling do, Phó Kwang atbồ dờng Anih jơnau đơs Việt Nam ồng Vũ Hải Quang kung neh jào priă dong kờl 10 tơlăk đong bơh Anih jơnau đơs Việt Nam dê nàng ai cau pròc mhàm 02 hìu nhă do in.