Ƀộ trưởng Ƀộ Giáo dục mờ Đào tạo đơs, Gah bơto bơtê càr Dăk Nông neh lơh geh uă cồng nha pơn jờng ngan tàm nam bơsram pa do, tă pơgồp ngai sơlơ geh cồng nha tàm broă lơh bơtàu tơnguh bơto bơtê bơh tiah Tây Nguyên mờ jơh gùt lơgar dê. Ƀộ trưởng ồng Nguyễn Kim Sơn kung sơñio geh bàr pe bơta ờ hềt di pal mờ càr Dăk Nông pal sền gròi bơsong. Tŭ do jơh gùt càr gam ờ tơl 1 rơbô 021 nă cau pơgru tàm ală kấp bơsram pơndrờm mờ khà geh ai.

Nàng lam lơh geh cồng nha kơnòl broă nam bơsram pa 2023-2024, Ƀộ trưởng ồng Nguyễn Kim Sơn sồr càr Dăk Nông tơrgùm đơng lam mờ lơh jăt niam bàr pe broă lơh, bè: sền gròi, bơcri lơh rlau tai ai gah bơto bơtê tiah sar lơgar ngài, tiah jơi bơtiàn dùl ết nă cau in; rơndăp săp sèng cau pơgru gàr tơl bè khà, dùl ròt bal bè rơndăp tăp sèng, lơh uă tai phan bơna bơt bơtàu, blơi phan bơna măi mok ai hìu bơsram in; lơh pràn mpồl bơtiàn lơh bal tàm broă bơto bơtê.