Tàm dơ̆ dờp, Củ tịc Mpồl duh broă Jơi bơtiàn bơh Quốk hội ồng Y Thanh Hà Niê Kdăm bal mờ ala măt ală mpồl dong kờl neh jào pà 300 tơlăk đong pà Kes priă Tài cau rơƀah mờ 50 tơlăk đong pà Kes priă Kis git jơnau git adăt càr Dăk Lăk in.

Dờp khà priă, Anih duh broă Mặt trận Dà lơgar Việt Nam càr neh tam pà ai 2 kơnhoàl Cư̆ Kuiñ mờ Cư̆ Mngar in nàng lơh jăt ală broă lơh ưn ngài hìu nhă cau geh màng mờ dà lơgar bal mờ dong kờl lơh hìu ai cau rơƀah in. Anih duh broă Mặt trận Dà lơgar Việt Nam càr Dăk Lăk pà git: tus lồi nam 2023, càr Dăk Lăk gam mờr 46 rơbô 100 hìu rơƀah mờ rơlao 34 rơbô hìu ndrờm rơƀah, geh 16% khà hìu. Tŭ do, hìu ơm bơh cau rơƀah mờ ndrờm mờ rơƀah gam ơm ing, tàm tŭ hơ̆ priă tă dong kờl bơh càr dê gam uă bơta ờ pràn. Den tàng, mpồl lơh broă do sùm hòi jà ală mpồl lơh broă, cau geh nùs nhơm niam tus bal dong kờl nàng lơh geh kes priă nàng tus bal dong kờl cau rơƀah.