Dơ̆ pơrjum neh jờng rơ 33 nă kơnòm bơsram gơwèt càr Dăk Nông mờ 06 nă kơnòm bơsram gơwèt càr Mondulkiri lơgar Campuchia geh cồng nha bơsram sră jăk tàm nam bơsram 2023-2024.

Do là ală kơnòm bơsram gam geh Mpồl ling sền gàr tiah nhàr lơgar dong kờl sào sa bơsram sră bơh ală broă lơh “Dong kờl oh lòt bơsram”, “Kòn ròng Pôs ling sền gàr tiah nhàr lơgar”, rơndăp broă “Kwang bàng, cau ling dong kờl oh lòt bơsram” mờ broă lơh “mè dong kờl”. Ală broă lơh, rơndăp broă lơh, broă tơrlòng lơh dong kờl kơnòm bơsram tiah nhàr lơgar bơh Cau ling sền gàr tiah nhàr lơgar càr Dăk Nông geh lơh bơh nam 2016. Tus tŭ do neh dong kờl ai mờr 300 nă kơnòm bơsram càr Dăk Nông mờ 12 nă kơnòm bơsram càr Mondulkiri lơgar Campuchia in mờ kờp jơh priă rơlao 6 tơmàn đong.