Rơndap broă lơh geh kờp jơh priă bơcri lơh rlau 1 rbô 516 tơmàn đong, geh lam lơh tàm 7 sàh tiah nhàr lơgar geh Ia Mơ, Ia Púch, Ia Pnôn, Ia Nan, Ia Dom, Ia Chía mờ Ia O. Kờp tus bồ nhai 6, rơndap broă lơh neh lơh gơs mờr 50% khà broă. Bulah bè hơ̆, jơh 7 hìu bơsram tŭ do kung gam lơyài tŭ tơngai hơ pơrgon mờr 1 nhai. 

Mpồl atbồ ală rơndap broă lơh bơcri priă bơt bơtàu càr Gia Lai sồr, bơh tŭ do tus jơh ngai 30/8, ală mpồl tus bal dơ̆ lơh broă uă, tơrgùm uă ngan rlau jơh priă jền, sền nền wơl tơngai hơ pơrgon lơh gơs tơl bơnah broă, bơ tơl cau lơh broă, măi mok mờ lam lơh sùm nàng kờñ lơh gơs jơh ală broă lơh. Ală mpồl pơlam, jat sền pal sùm ơm rềp tiah lơh rơndap broă, gròi sền nền nòn bơta niam, lơngap lơngai lơh broă, ờ di tài bơh bơta kơn jơ̆ tơngai hơ pơrgon mờ lơh gơ rềng tus bơta niam broă lơh.