Mpồl Sồr lơh 515 càr Lâm Đồng neh lơh gơs 5 mpồl lơh broă nàng tă ntìng ƀồc, jào ntìng ƀồc cau ling chơ̆t màng tàm ală bơtô ƀồc ờ hềt git đal  muh măt tàm ală ƀlàng tơ̆p ƀồc cau ling chơ̆t màng tàm càr do dê. Càr Lâm Đồng tŭ do geh 12 ƀlàng tơ̆p ƀồc cau ling chơ̆t màng, tàm hơ̆ geh 11 ƀlàng tơ̆p ƀồc cau ling chơ̆t màng pal lơh jăt broă tă mờ jào ntìng ƀồc cau ling chơ̆t màng.

Tàm khà ƀồc ntìng cau ling chơ̆t màng ờ hềt git đal pal tă là 4 rơbô 845 nơm ƀồc. Ƀlàng tơ̆p ƀồc cau ling chơ̆t màng sàh Đức Linh geh rơwah là anih lơh sơnrờp ngan tàm broă tă mờ jào ntìng ƀồc mờ tơmŭt tàm internet jơh ală ƀồc ntìng cau ling chơ̆t màng nàng tơlik jơnau bơsram broă lơh mờng chài nàng lơh geh uă tàm gùt càr. Tàm do, ală mpồl lơh broă tă geh 55 ƀồc ntìng cau ling chơ̆t màng, prăp, lir mờ jào jăt di mờ jơnau geh ai, mờ lam lơh sồ ală jơnau yal tơngit, tơrgùm jơnau yal tơngit tàm anih drơng broă atbồ mờ đal git nền ADN in.