Cau tĕ khà mờ làng bol kơnhoàl Thường Xuân sồr geh broă lơh is ai kơnhoàl tiah kơh bơnơm in geh lời wơl bàr pe broă lơh dong kờl tŭ neh lik klà rƀah halà lơh sir broă lơh ƀòn lơgar pa bơh 5 tus 10 nam tai. Cau tĕ khà kơ̆p kờñ Quôk hội sền sơwì tam gơl, bơtơl broă lơh, broă dong kờl ai bàr pe nă cau là kơnòm dềt, ling geh griăt jơi bơtiàn dô ềt nă cau in.

 Đơs nền Mpồl Cau ala mat Quôk hội càr Thanh Hóa rơ̆p iăt kơno tơl làm nàng tơrgùm wơl mờ yal mờ Quôk hội, Cíñ phủ, ală Ƀộ, gah broă Dà lơgar geh gơrềng nàng pơn jat tai kơlôi sơnơng, sền sơ wì bơsong. Ală jơnau dan gơwèt gơnăp gơnoar bơh kơnhoàl dê, Củ tịc lơgar sồr ală kwang đơng lam bồ càr, kwang đơng lam bồ kơnhoàl iăt kơno sền sơ wì, bơsong jat gơnăp gơnoar tàm tơngai gờñ ngan rlau jơh, lơh geh bơta kơ̆p kờñ di pal bơh cau tĕ khà mờ làng bol kơnhoàl Thường Xuân dê. Di dơ̆ do, Tập đoàn Lơh sa mờ măi mok viễn thông ling klàng Viettel mờ Anih priă jền Kă bro phan tàm pơgồp bal ling klàng neh jàu pà 6 tơmàn đong nàng lơh 100 nơm hìu ai ală hìu bơnhă kal ke bè hìu ơm tàm ù tiah kơnhoàl Thường Xuân in.