Tàm dơ̆ tìp măt, Củ tịc lơgar ồng Tô Lâm tơlik nùs nhơm kah tus ală cau ling khin cha jăk chài, cau ling chơ̆t màng, làng bol, cau ling neh khin cha phi să tài Dà lơgar; dan pơyoa tus ală Mè Việt Nam Khin cha jăk chài, ală cau ling sồt să, cau ling kòp tê jê să, cau pròc mhàm hìu nhă cau ling chơ̆t màng bal ală cau ala măt jơnau còp să jơh nùs, ală nùs nhơm đềt mềr mờ jơnau git ưn ngài uă ngan.

Củ tịc lơgar sồr ală kấp ủy Đảng, gơnoar atbồ pơn jăt tai bơsong niam ală broă dong kờl, tàm hơ̆ uă ngan là bơsong bơta hoàc huơr tơnơ̆ mờ rài tam lơh lời wơl, jòi rồ, tơrgùm ƀồc ntìng cau ling chơ̆t màng, ală cau geh màng mờ dà lơgar gam gơlời, ha là ờ hềt geh dờp tơl broă dong kờl; sền gròi tơnguh rài kis, drơng gàr bơta pràn kơl dang să jan cau ơm is, ờ geh cau ròng siam.