Ală mpồl dờp lơh oh mi sền gròi dong làng bol tơn jơh jơgloh tơrmù rƀah mờ broă dong chi tam, phan ròng, phơng sih, sơnơm sền gàr phan tam; sồr kwang bàng pơgồp bal mờ kwang bàng pơlam broă lơh sa pơlam làng bol ƀòn dờp lơh oh mi in tam gơl rơndap tap sèng mờ bơta chài sơngka sền gàr chi tam, phan ròng. Cồng nha, ală anih lơh broă, mpồl lơh broă ală kâp neh sồr 212 rbô nă kwang bàng rê tàm ală ƀòn dờp lơh oh mi, pà rlau 200 rbô bơnah phan, mờ kờp jơh khà priă mờr 262 tơmàn đông mờ uă broă lơh dong kờl ndai.

Nàng broă lơh dờp lơh oh mi geh ngan ngồn, gơtùi ai gŏ jơnau kờñ, bơta kuơ, tơngai tus, ồng Nguyễn Đình Trung, kwang geh jơng tàm Đảng dà lơgar, Ƀí thư Tỉñ ủy càr Dăk Lăk sồr ală anih lơh broă, mpồl lơh broă, ală tiah pơn jat tai tam gơl pa tơngume, broă lơh dờp lơh oh mi mờ ƀòn làng bol jơi bơtiàn dồ êt nă cau ơm kis bơh jŏ tàm càr gơ in dipal mờ jơnau sồr bơtàu tơnguh lơh sa, niam chài, mpồl bơtiàn tàm bơta tŭ do.