Geh tai uă bơta pràn nàng tơn jơh hìu sèt dong kờl ală hìu rơƀah tàm càr Dăk Lăk in
Thứ năm, 13:45, 17/10/2024
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
K’Ho- Wèt tus tơnkah 120 nam crơng gơs càr Dăk Lăk, bal mờ broă lơh bơh Ƀộ Kwang àng gam geh lơh, Anih duh broă Mặt trận Dà lơgar Việt Nam càr Dăk Lăk neh lam sồr lơh 300 nơm hìu tam klăc nàng dong kờl ală hìu rơƀah, hìu kal ke bè hìu ơm tàm càr in.
Mùl màl lơh ală broă lơh wèt tus chờ gờm tơnkah 120 nam crơng gơs càr Dăk Lăk, bơh nhai 03 nam do, Ƀộ Kwang àng neh bơyai lơh Dơ̆ sơn đờm mŭt lơh, jào hìu lam lài mờ priă dong kờl lơh 1 rơbô 200 nơm hìu ai cau rơƀah, cau làng bol jơi bơtiàn ờ gal cau, hìu nhă geh sră dong kờl, hìu rơƀah gơtìp kal ke bè hìu ơm tàm càr Dăk Lăk.
Mò Nông Thị Thu, Phó Củ tịc Anih duh broă Mặt trận Dà lơgar Việt Nam càr Dăk Lăk pà git, tus tŭ do, Mpồl lam sồr tă kes priă “Tài cau rơƀah” càr neh lam lơh geh 352 nơm hìu, kờp jơh priă geh rơlao 23 tơmàn đong, sơrlèt mờ broă rơndăp lơh geh ai. Ală tiah tàm càr neh lơh gơs mờ jào 225 nơm hìu nàng làng bol gờñ geh ơm tàm ală hìu pa lơh.
Viết bình luận