Tus bal dơ̆ lòt còp, rờ tơrgùm, jun rê hờ ƀòn lơgar tờm ƀồc ntìng cau chơ̆t màng dơ̆ do, ală kwang bàng, cau ling gơ wèt Mpồl K52, Cơldŭ Cíñ trị, Gah đơng lam Ling klàng càr Gia Lai pơn jăt tai geh tam pà lơh ală mpồl, bơnah lòt jòi tàm pe càr tiah đah tô măt tơngai Lik lơgar Campuchia, geh: Preah Vihear, Stung Treng mờ Ratanakiri. Tơngai bơh tŭ do tus jơh kàl prang nam 2025.

Tàm dơ̆ lik lòt jòi, kwang đơng lam bồ càr Gia Lai bal mờ kwang đơng lam bồ Gah đơng lam Ling klàng càr Gia Lai neh pơyua jơnau còp să, pơndờm pơnđiang ală cau ling lòt lơh kơnòl broă dơ̆ do. Mơkung sồr mpồl K52 pơn jăt tai gĭt nền ală jơnau sồr bè gĭt gơ̆p ală lơgar, lơh jăt niam bơta lơh glài ling klàng dê, ală jơnau sồr bơh Ƀộ Ling klàng, bơh Ling kơnhoàl ù tiah dê tàm gĭt gơ̆p lơh broă mờ lơgar ndai. Gĭt nền broă gơlik geh tàm ù tiah ƀòn lơgar, ală jơnau yal bè bơtô ƀồc cau chơ̆t màng, lơh bè lơi ală jơnau yal ndrờm geh sền swì, lùp nền wơl loh làng.