Kơnờm broă lơh dong kờl, làng bol tiah kal ke càr Gia Lai neh geh bơta ƀuơn nàng bơcri priă bơtàu tơnguh lơh sa, kă bro, ai geh broă lơh, rơhời brồ guh lik klàs kal ke, pơgồp bơnah lam lơh niam ală jơnau kờñ tơrmù rƀah kơ̆ kơljap, bơt bơtàu ƀòn lơgar pa. Tus tŭ do, ai càn priă broă lơh dong kờl mpồl bơtiàn neh geh lam lơh tus jơh ală xã tiah sar lơgar ngài tàm gùt càr Gia Lai. Kờp jơh khà priă ai càn dong kờl priă cồng mờr 16 rbô 500 tơmàn đông, mờ rlau 500 rbô dơ̆ hìu bơnhă rƀah, hìu bơnhă ndrờm bè cau rƀah mờ ală cau geh sră dong kờl geh càn priă, tàm hơ̆, cau jơi bơtiàn dồ êt nă cau geh mờr nggùl. Bơh hơ̆, khà hìu bơnhă rƀah bơh càr Gia Lai dê neh gơmù bơh rlau 23% tàm nam 2014, gơmù gam rlau 8% bè tŭ do.