Jat hơ̆, ală kwang bàng, cau ling Gah đơng lam Mpồl ling klàng càr Dăk Lăk neh bơyai lơh yal tơngĭt adat ù tiah nam 2024, adat Kăn Kước nam 2023, adat kơnòl broă ling klàng nam 2019 mờ adat lòt rê tàm gùng  ai rlau 2 rơbô dơ̆ làng bol tàm xã Krông Jing, kơnhoàl M’ Drăk, càr Dăk Lăk in.

Lơh jat Jơnau neh lơh nền sồ 1371 bơh Thủ tướng Cíñ phủ dê bè Ngui niam gơnoar broă bơh mpồl ling klàng làng bol dê tus bal broă lơh yal tơngĭt, bơto bơtê yal tơngĭt, bơto bơtê adat boh lam, hòi jà làng bol lơh jat niam adat boh lam tàm  ƀòn lơgar tơngai bơh nam 2021-2027, rlau 3 nam do, Gah đơng lam mpồl ling klàng càr Dăk Lăk neh lam lơh dồ ròt bal ală tơngume tàm Jơnau neh lơh nền dê tàm uă xã, sơnah ƀòn, ƀòn drà dềt tàm ù tiah jơh gùt càr in, is ồn sền gròi tàm ală tiah sar lơgar ngài.