Ngai 12/07, tàm Hà Nội, Mpồl Dong kờl bơsram dà lơgar Việt Nam dê bơyai lơh Dơ̆ jàu priă dong kờl bơsram “Bơsram ờ tŭ lơi jơh” dơ̆ 04 ai ală kơnòm bơsram sơrlèt kal ke, brồ guh bơsram jak mờ cau dờng geh uă cồng nha pơnrơ jak tàm bơsram sùm tàm ală broă bơh 25 càr mờ ƀòn dờng tiah kơh bơnơm đah Tô dà lơgar, tiah ring dà dờng Hồng. Mpồl bơyai lơh neh jàu priă dong kờl bơsram “Bơsram ờ tŭ lơi jơh” ai 463 nă cau geh săc rwah bơh ală tiah mờ 14 anih lơh broă bơh Dà lơgar dê, tàm hơ̆ geh 290 nă kơnòm bơsram, cau bơsram dờng mờ 173 nă cau dờng.

Tàm khà hơ̆ geh uă kơnòm bơsram sơrlèt kal ke, lơh geh cồng nha jơnhoa tàm bơsram. Jàu priă dong kờl bơsram ai ală cau geh cồng nha pơnrơ jak tàm bơsram in, Phó Thủ tướng ồng Lê Thành Long jờng rơ ngan jơnau bơceh lơh bơh Mpồl Dong kờl bơsram Dà lơgar Việt Nam dê neh bơyai lơh mờ lơh sùm broă jàu Priă dong kờl bơsram jăt jơnau bơto bơh Wa Hồ dê “Bơsram ờ tŭ lơi jơh”, dồ bơnah priă dong kờl bơsram geh gơtha niam chài kòn bơnus tàm srơh tàm pơrlòng bơsram sùm jơh rài kis jăt krơh Củ tịc Hồ Chí Minh dê.