Do là nam dơ̆ 2 pơn jăt tơn Mpồl làng bol lơh broă sa Việt Nam bơyai lơh rơwah 100 nă làng bol lơh broă sa Việt Nam jăk chài ngan; kung là dơ̆ sơnrờp Mpồl Làng bol lơh broă sa Việt Nam bơyai lơh rơwah nàng jờng 63 hợp ták xã pơnrơ jăk gùt lơgar.

Tus bal mờ geh jơnau đơs tàm dơ̆ pơn jờng, Kwang geh jơng tàm Ƀộ Cíñ trị, Phó Củ tịc Quốk hội ồng Trần Thanh Mẫn hòi jà, Mpồl Làng bol lơh broă sa ală kấp pơn jăt tai lơh pràn broă yal tơngit, mblàng jơnau, yal uă tus mờ ală kwang bàng, cau tàm mpồl, làng bol lơh broă sa, hợp ták xã lơh sa sươn sre bè ală gùng dà broă lơh, Nghị quyết bơh Đảng, adăt boh lam bơh Dà lơgar dê, tàm hơ̆ uă ngan là bè gah lơh sa suơn sre, làng bol lơh broă sa, ƀòn lơgar, gơrềng tus tơn mờ gơnoar kwơ, kơnòl broă bơh làng bol lơh broă sa dê. Lơh geh uă bơta pràn kơl dang cau niam broă niam, nàng ală hìu lơh sa kă bro jăk, hợp ták xã lơh sa suơn sre geh cồng nha gơs cau tờm tus bal tàm broă bơtàu tơnguh lơh sa mpồl bơtiàn tàm ală tiah ƀòn lơgar gùt lơgar.