Ngai 08/8, tàm Pơrjum sền sơ wì cồng nha broă lơh hòi jà làng bol, mblàng yal kuơmàng nam 2022 – 2023 mờ lam lơh kơnòl broă tàm tơngai pơn jat tai, Ƀiñ đoàn 15 neh bơyai lơh jờng rơ 104 nă cau kra ƀòn, cau atbồ thôn, cau geh bơngă pin dờn jơi bơtiàn dồ êt nă cau tàm tiah nhàr lơgar 2 càr Gia Lai mờ Kon Tum. Tàm 2 nam do, Ƀiñ đoàn 15 neh lơh niam broă lơh hòi jà làng bol, pơgồp bơnah lơh niam kơnòl broă lơh sa sền gàr dà lơgar, sền gàr lơngăp lơngai tàm tiah nhàr lơgar ală càr Gia Lai, Kon Tum. Mùl màl, Ƀiñ đoàn neh ai geh broă lơh sùm ai 9 rbô nă cau lơh broă jơi bơtiàn dồ êt nă cau in, lam lơh rlau 4 rbô 200 yô hìu bơnhă cau lơh phan cau yoan mờ cau jơi bơtiàn dồ êt nă cau tam klac bal, dong kờl gơp bơtàu tơnguh lơh sa.

Bal mờ ală broă lơh nùs nhơm, Ƀiñ đoàn 15 neh dong lơh niam gơnoar broă bơh ală cau kra ƀòn, cau atbồ thôn, cau duh broă yàng, cau geh bơngă pin dờn tàm tiah jơi bơtiàn dồ êt nă cau, pơgồp bơnah sền gròi rài kis nùs nhơm, prap gàr niam chài mờ gàr niam lơngăp lơngai tiah nhàr lơgar.