Đơs tàm dơ̆ lơh broă, ồng Nguyễn Hoà Bình pà git, Ƀộ Cíñ trị sền gròi ngan bè bơta gơtìp bơh dơ̆ tơrluh ù tàm càr Kon Tum dê.

Mờ bơta gơtìp bơh tơrluh ù ngai sơlơ uă, bơta pràn ngai sơlơ dờng, ồng sồr tơnkah, kwang đơng lam Đảng, gơnoar atbồ bal mờ làng bol pal rơcang lài ai nùs nhơm bal mờ bơta pràn kis bal mờ tơrluh ù. Càr pal ntrờn uă ngan broă bơh gùng dà broă lơh tus mờ broă ai geh gùng dà broă lơh jŏ jòng bơtàu tơnguh tơngai lơh broă tàm tơngai tus, tus mờ rài kis pah ngai làng bol dê. Nàng rơcang pleh, tơmù ờ uă ngan hoàc huơr tŭ gơtìp tơrluh ù, ồng Nguyễn Hoà Bình đơs nền pal geh broă lơh nàng rơcang lài, ai geh ală gùng dà broă lơh, hơ̆ sồng bơsram tàp jăt ală gùng dà broă lơh sơm sồt, dong klàs cau gơtìp rềs àr.