Tàm 02 nam bơh nam 2024- 2025, Lâm Đồng lơh jăt tơn jơh 1 rbô 972 nơm hìu ing, hìu ồm sèt ñhăt dà mìu dong hìu rƀah, hìu pa jơh rƀah tàm càr. Tàm hơ̆, 1 rbô 580 nơm hìu lơh pa mờ 392 nơm hìu lơh niam wơl, lơh ơnàng mờ kờp jơh priă tă lơh 88 tơmàn 800 tơlak đong. Mìng is nam 2024, Lâm Đồng geh jơnau kờñ tơn jơh 1 rbô nơm hìu ing, hìu ồm sèt ñhăt dà mìu dong hìu rƀah mờ pa jơh rƀah, tàm hơ̆ lơh pa 840 nơm mờ lơh niam wơl, lơh ơnàng 166 nơm.

Jăt ồng Phạm S, Phó Củ tịc Anih duh broă Làng bol càr Lâm Đồng yal, tus tơngai do, broă lơh sơmbăt tê bal tơn jơh hìu ing, hìu ồm sèt ñhăt dà mìu bơh càr Lâm Đồng dê neh dờp geh bơta lơh jăt jơh nùs ngan bơh uă mpồl cau, cau dồ nă să is, mpồl lơh sa kă bro tă pơgồp, bal mờ kờp jơh priă dờp geh rlau 45 tơmàn đong. Mờ priă jền do rơ̆p tơl lơh jăt broă tơn jơh hìu ing, hìu ồm sèt ñhăt dà mìu tàm nam do jăt di jơnau kờñ neh ai.