Sùm tàm 12 nam do, Hìu bơsram kâp 3 kòn cau ơm tơn càr Gia Lai geh 100% kơnòm bơsram gơ kờn pơrlòng, Kwang atbồ hìu bơsram ồng Võ Thành Nguyên pà git, bơh bồ pah nam bơsram, hìu bơsram neh rơcang lài broă rơndap lơh pơlam tàp pơrlòng dipal. Tàm hìu bơsram kâp 3 Đinh Tiên Hoàng, kơnhoàl tiah ngài Krông Pa, tiah geh 99% kơnòm bơsram là cau jơi bơtiàn dồ êt nă cau, ală oh kung geh tam pà gơs mpồl di mờ pràn jak nàng pơlam wơl jơnau git wă pơrlòng jơh bơsram kâp 3.

Dơ̆ pơrlòng jơh bơsram kâp 3 nam do tàm càr Gia Lai geh 41 anih pơrlòng mờ rlau 15 rbô 300 nă cau cih mat tus bal pơrlòng, tàm hơ̆ geh mờr 4 rbô 100 nă cau pơrlòng jơi bơtiàn dồ êt nă cau. Bơta rơcang lài bơh hìu bơsram dê, bơta jơh nùs bơh pơgru dê rơp pơgồp bơnah dong kơnòm bơsram pin dờn mut tàm dơ̆ pơrlòng geh điểm jơnhua ngan rlau jơh.