Mpồl neh pà bơkàu mờ phan, tơm bơh bơr mờ iăt Mè yal bè ală nam nhai kah yau tus bal tam lơh bơh hìu bơnhă dê. Mpồl pơyua jơnau nting bơr chờ gờm di ngai 20/10 mờ pơndờm pơnđiang Mè pơn jăt tai kis chờ hờp, kis pràn, là dồ krơh àng ai ală rơnàng oh kòn kòn sau in đòm jăt. Sùm lùp còp Mè Việt Nam khin cha jak chài là dùl tàm ală broă lơh sền gàr lơngăp lơngai rài kis mpồl bơtiàn bơh Ồs đèng càr Dăk Lăk dê nàng kah rơngal wơl ală hìu bơnhă geh màng mờ kăc màng, pơgồp bơnah bơto tơngkah bơhiàn “Hùc dà kah tô dà” bơh jơi bơtiàn dê.

Kơno yal, tàm 9 nhai do, Mpồl ala măt cau lơh broă Ồs đèng càr Dăk Lăk neh lời mờr 1 tơmàn đong lơh broă lơh sền gàr lơngăp lơngai rài kis mpồl bơtiàn tàm tiah do mờ dong kờl làng bol ală tiah gơtìp trồ tiah lơh aniai sơrlèt mờ bơta kal ke.