Tàm dơ̆ tus còp, chu ñàng tàm ală Ƀlàng tơ̆p ƀồc Cau ling chơ̆t màng, Mpồl lơh broă bơh Phó Củ tịc lơgar bal mờ kwang đơng lam bồ càr Quảng Trị tơngŏ bơta ưn ngài uă ngan gơwèt mờ ală Cau ling khin cha jak chài, Cau ling chơ̆t màng neh khin cha tam lơh mờ chơ̆t phi să tài broă lơh sền gàr Dà lơgar.

Phó Củ tịc lơgar mò Võ Thị Ánh Xuân neh còp, pà phan Mè Việt Nam khin cha jak chài mò Lê Thị Mót tàm xã Gio Sơn, kơnhoàl  Gio Linh; còp hìu bơnhă ồng Nguyễn Long Khiếm ơm tàm sơnah ƀòn 1, ƀòn dờng  Đông Hà; jàu 60 bơnah phan pà ală hìu bơnhă geh dà kơl hề mờ Dà lơgar, Mè Việt Nam khin cha jak chài, hìu bơnhă geh dà kơl hề mờ Dà lơgar tàm kơnhoàl Triệu Phong. Phó Củ tịc lơgar mò Võ Thị Ánh Xuân jơh nùs lùp còp, tơngŏ bơta gĭt ưn ngài uă ngan gơwèt mờ ală dà kờl hề tă pơgồp, bơta phi să ngềt ngơ̆t bơh Mè Việt Nam khin cha jak chài kung bè hìu bơnhă geh màng mờ Dà lơgar mờ cau pròc mhàm ală cau ling khin cha jak chài, Cau ling chơ̆t màng dê.